Maketū
Kaikokopu
Ka rere te awa o Kaikōkopu ki te wahapū o Waihī, tahatika ana i te whenua o Ngāti Pūkenga e kīia ana ko Waewaetūtuki. He tino awa a Kaikōkopu hei mātāpuna mō tēnei taonga, te kōkōwai e whakamahia ana hei kano i ngā toa me ngā tae o ngā whakairo. He mātāpuna hoki tēnei awa mō te inanga, te tuna me te ika. I tapainatia mō tērā ika te kōkopu.
Sites of significance
Waewaetutuki
He whenua tēnei kei rāhaki tonu o Te Pūahatanga o Waihi. I whakawhiwhia te whenua nei ki a Ngāti Pūkenga I roto I ngā take o Kōti Whenua Māori.
Kaikokopu
Rere atu ana a Kaikokopu I te taha o ngā whenua o Waewaetutuki, tae atu rā ki roto ki Te Pūahatanga o Waihi.
Ōwhara pā
Kei runga o ngā paripari o Te Pūahatanga o Waihi ko te whenua I tū ai te pā o Ōwhara.
Te Pā o Ōwhara
Kei runga o ngā paripari o te pūahatanga o Waihī ko te wāhi tū ai te pā o Ōwhara. Nā Ngakohua te pā o Ōwhara. Ko ia te tama mātāmua a Ruangutu, he rangatira o Tapuika i te rautau 1500. I kohaina e Ngakohua te pā o Ōwhara ki tana whanaunga a Tamapahore me tōna iwi.
Sites of significance
Waewaetutuki
He whenua tēnei kei rāhaki tonu o Te Pūahatanga o Waihi. I whakawhiwhia te whenua nei ki a Ngāti Pūkenga I roto I ngā take o Kōti Whenua Māori.
Kaikokopu
Rere atu ana a Kaikokopu I te taha o ngā whenua o Waewaetutuki, tae atu rā ki roto ki Te Pūahatanga o Waihi.
Ōwhara pā
Kei runga o ngā paripari o Te Pūahatanga o Waihi ko te whenua I tū ai te pā o Ōwhara.
Waewaetutuki
I whakawhiwhia ki a Ngāti Pūkenga e te Kōti Whakawā Whenua Māori, te paraka o Waewaetūtuki e kiritata ana ki te wahapū o Waihī. Hei utu tēnei mō Ngāti Pūkenga i āwhina ki te kaupare i a Ngā Oho (nō Te Arawa) mai i Maketū i te rautau tekau-mā-iwa.
Sites of significance
Waewaetutuki
He whenua tēnei kei rāhaki tonu o Te Pūahatanga o Waihi. I whakawhiwhia te whenua nei ki a Ngāti Pūkenga I roto I ngā take o Kōti Whenua Māori.
Kaikokopu
Rere atu ana a Kaikokopu I te taha o ngā whenua o Waewaetutuki, tae atu rā ki roto ki Te Pūahatanga o Waihi.
Ōwhara pā
Kei runga o ngā paripari o Te Pūahatanga o Waihi ko te whenua I tū ai te pā o Ōwhara.
Video transcript
[Te tangi o te puoro tuarongo me te tangi a te ngārara.]
(He anga matatopa, hopunga ā-manu o tētahi repo. Kei te pokapū o te mata ko te waitohu, kōwhai o Te Tāwharau o Ngāti Pūkenga. Ka putaputa mai ko te kupu ‘Te Whenua’ i tētahi pouaka kōwhai. Ka whai mai ko te ingoa ‘Maketu’ mō tētahi wā poto.)
(Ka putaputa mai te ingoa ‘Kaikokopu’ i tētahi pouaka kahurangi me tētahi kōpere e tohu ana i tētahi awa.)
(Ka whiti atu ki tētahi ngutuawa. He anga matatopa, hopunga ā-manu.)
(Ka putaputa mai te ingoa ‘Kaikokopu’ i tētahi pouaka kahurangi me tētahi kōpere e tohu ana i te whenua kei waenga i te moana me te ngutuawa.)
(Ka whiti atu ki tētahi ngutuawa. He anga matatopa, hopunga ā-manu.)
(Ka putaputa mai te ingoa ‘Maketu’ i tētahi pouaka kahurangi me tētahi kōpere e tohu ana i te matakūrae hururua me ētahi whare.)
(Kei te pokapū ko te waitohu, kōwhai o Te Tāwharau o Ngāti Pūkenga.)
Tērā ētahi o ngā uri o Pūkenga i moe i te iwi o Te Arawa, ā, nō te hekenga mai i Ōpōtiki i te rautau tekau-mā-whitu kua nohia he whenua i te rohe o Te Arawa. Ko Ngāti Pūkenga tonu tētahi o ngā iwi ahi kā i te takiwā o Maketū. Kua whakakotahitia a Ngāti Pūkenga, a Ngāti Whakahemo, a Ngāti Makino, a Te Patuwai me Ngāti Pikiao ki te marae o Te Awhe. Kei Maketū ngā mate o Ngāti Pūkenga e takoto ana, ā, kei Maketū tonu ngā uri e noho ana hei Ngāti Pūkenga.
Ka tukuna ki a Ngāti Pūkenga ki Maketū ko te whenua o Waewaetūtuki i roto i te whakataunga mō Paengaroa hei utu mō te manaakitanga i tukuna i a rātou e tuarā ana i a Maketū i te rautau tekau-mā-iwa. Ko te tawhā tūāraki o te paraka o Waewaetūtūki ko te pito o te wahapū o Waihī. Ko te awa o Kaikōkopu te tāparepare i te taha rāwhiti, ā, ka heke atu ki te taitonga, ki Paengaroa.